كتاب انا مش فاهمني – ادفع ضريبة التغيير قبل أن تدفع ضريبة التأخير
- مقدمة كتاب “مش فاهمني – للداعية حازم شومان:
أنت ممكن تكون مش مسئول عن مشاكلك ولكن لا شك ان انت المسئول عن حلها ..
و اما الدنيا كلها تتغير عشانك و اما انت اللى تتغير عشانها ..
والدنيا عمرها ما هتتغير عشان حد أيدا …
وأخير الفشل هو أحد مكونات الخلطة السحرية للنجاح ..
بادر ولا تستسلم حين تفشل ..
هذا الكتاب من أجل ان تكون حياتكم أعظم وأجمل وأسعد وأثمر من حياتنا د. حازم شومان
- نبذة عن كتاب “أنا مش فاهمني”:
كتاب ليه 3 تحديات هي:
التحدى الأول: إنك تغير الصندوق الأسود اللى جواك تغير أفكار، الصندوق الأسود اللى مليان أفكار غلط عن نفسك وعن الدنيا وعن الحياة.
الصندوق الأسود اللى اتكون من وأنت لسه طفل صغير مع كل تجربة أليمة كنت بتمر بيها أو بتشوفها فى حد حبيبك ومحدش كان بيفسر هالك كان بتكون جواك أفكار سلبية أفكار.
التحدي الثاني: إنك تكسر منطقة الراحة اللي هي “أنا مرتاح كدة” “مبسوط كدة” “مش عايز أتغير”، لو فضلت عايش جوه منطقة الراحة أحسب الخسائر.
- إن منطقة الراحة اللى مريحاك انهارده مش هتريحك بكرة.
- الإيمان اللى عندك النهارده مش هيكفى بكرة لو الفتن زادت.
- صحتك النهاردة مش هتكفيك بكرة.
- لو سنك كبر وضغوط الحياة زادت دخلك انهارده مش هيكفيك بكرة.
وهناك 5 قدرات هتحصل عليهم لما تكسر منطقة الراحة ورد ذكرها في كتاب “انا مش فاهمني”:
- القدرة على الإستمرار.
- القدرة على اتخاذ القرار.
- القدرة على المقاومة.
- القدرة على المواجهة.
- القدرة على تحمل المسؤولية.
التحدي الثالث: اعرف إيه اللى بيحرك ذاتك:
خواطر اليأس والإحباط، راحتك، مصلحتك، الإغراءات والشهوات، مخاوفك، قلقك.
لازم الأول تتغير من جواك:
- نفسيتك…عندك قدرة على الصمود.
- عقليتك..تقبل قواعد النجاح في الحياة.
- شخصيتك..عندك إيجابية..مبادرة.
- انضباط..تحمل المسؤولية.
لا يوجد قصة نجاح إلا وراها عزيمة وإرادة وتغيير حقيقى:
- ليه تقبل تعيش إنسان عادى لما ممكن تعيش إنسان مميز.
- الدين هو أعظم حاجة بتغير طعم الحياة.
- أنت معاك أكبر كتاب سلوكى للحياة.
- أكبر كتاب برمجة لغوية وعصبية.
- أنت معاك القرآن كتاب الله
ولد حازم شومان في 10 ديسمبر 1974 بمدينة المنصورة بمحافظة الدقهلية، تخرج من كلية الطب بجامعة المنصورة. بدأ دروسه بمسجد السلاب في مدينة المنصورة وكان يحضر آلاف الشباب له، قدّم عدة برامج على القنوات الفضائية مثل قناة الرحمة، وقناة الناس، وقناة الخليجية، وقناة أمجاد برنامجاً بعنوان «على فين يا شباب»، وله العديد من الدروس والسلاسل والخطب من أشهرها سلسلة: على فين ياشباب ؟ وسلسلة: لماذا محمد ؟ وسلسلة: فرسان الأقصى. في أبريل 2012، ساند حازم صلاح أبو إسماعيل في حملته الانتخابية، وشارك المتواجدين بميدان التحرير آنذاك. ودعا لتأييد دستور جمهورية مصر العربية (2012). وفي فبراير 2020 أعلنت وزارة الأوقاف المصرية أن حازم شومان ممنوع من الخطابة على المنابر أو إلقاء الدروس بها. مؤلفاته له عدد مؤلفاته، وشارك في معرض القاهرة الدولى للكتاب في دورته الـ51، في يناير 2020،
كتاب رائع جداً، كتاب دبني شبابي
تحس أنك بتتكلم عن المشاكل اللي بتواجهك في حياتك َلكن من منظور الدين والواقع، وجبه خفيفه حداً ولكنها دسمه وهي أول ما أقرأ للشيه جازم شومان ولكني أشهد الله أني أحبه في الله.
الكتاب بيتكلم عن النفس، والمشاكل وازاي أننا لازم مدفع ضريبه التغيير قبل ما ندفع ضريبه التأخير، وكمان بيتكلم علي المهارات القياديه الخمسه وهم :
١. القدره علي اتخاذ القرار
٢. القدره علي الاستمرار
٣. القدره علي المقاومه
٤. القدره علي المواجهه
٥. القدره علي تحمل المسؤوليه
وبيشرح كل واحد منهم في فصل كامل وفي نهايه الكتاب هناك ملخص، للمخططات الاي سردها فضيله الدكتور حازم شومان في كتابه، الامر المثير بالنشبه لي شخصبا كان في الفصل الاخير ( عسل اسود) وهو بيتكلم فيه عن القدره علي تحمل المسؤوليه وعن نشاكل الشباب مع الهجره وازاي انه فتح في عقلي آفاق مكنتش حاسبها في حساباتي كشاب نفسي اسافر بعد التخرج وانه زي ماتوفير لنفسك حياه كريمه فإنك تعييش وتنهض ببلدك مسؤوليه كبيره لن يقوم بها الا القليل، واستغل في النقطه ديه حبنا للرسول (صل الله عليه وسلم) وانه ممكن يعاتبني يوم القيامه اني نفعت البلاد الاخره وما أدتش في بلدي.
كتاب مهم وجميل أنصح بقرائته جدا ولكن يتطلب التركيز غفي كل باب بل في كل صفحه تقريبا معلومه جديده إن لم يكن في كل سطر.
أسال الله لي وللجميع بالثبات والهدايه والتوفيق علي دين الله الإسلام وأن يدخلنا جنته بلا حساب ولا سابقه عذاب
إقتباس من الكتاب :
إدب لمخك أوامر إجابيه ..
عود لسانك على الكلام الايجابي .. اللي كله أمل وتفاؤل وعزيمه وإرادة
الدكتور حازم شومان