لخبطيطة

ديوان شعر بالعامية
في هذا الليل
مع اخر دمعه عنيا بكتها عليك
مع اخر حزن بيسقط من الجفن السهران
وانا فايق مش سكران
شوفتك مع دمعي الساقط فوق الارض
حسيت وقتها بشويه برد
وانا بستغرب وبدُور حواليك
ولكنك كنت سقطت خلاص من عين ما شافتش سواك
كفرت بدفاك
وحلفنا ساعتها بحق الجرح اللي قتلنا اننا ننساك
وحلفنا ان احنا نهنيك
ما لأنك كان عندك اصرار
وثبتّ علي عهود الفرقه واحنا بننهار
كان ليلك رافض أي نهار
واخدت قرار ولا برد ونار بيأثر فيك
وعليه ايقنت ان انا بنباع
مستاهله صداع أوجاع وصراع؟!
مع الف سلامه وأحلي وداع
تصحيح أوضاع علشان معاليك
ما سقطت خلاص من نظري الدايب فيك
طب ايه يعليك؟!

عادل زوين