السعر: ٥٠ج
معركة الحياة
كتاب تنمية بشرية
إنسى المقارنة
– إنت غير صاحبك أو جارك. لا شخصيتك زيه ولا عقلك وطريقة تفكيرك زيه، فامتقارنش.
– مفيش حاجة إسمها أنا أحسن منه أو هو أحسن مني .. إنت أحسن في حاجات وهو أحسن في حاجات تانية، فامتقارنش.
– أحلامك بتعبر عنك إنت لا بتعبر عن أهلك مثلاً أو هي صورة عن أحلام حد تاني .. فمتقارنش.
– أهدافك حتى لو شبه أهداف ناس تانية .. فبالتأكيد طريقة تحقيقك ووقت تحقيقك للأهداف دي هيكون مختلف. فمتقارنش.
– الحاجات الثمينة اللي عند غيرك مش شرط تكون بنفس القيمة إذا إمتلكتها فمتجهدش نفسك علشان تحصل على اللي عند غيرك، القيمة عندك مختلفة.. فمقتارنش.
– حتى لو مشيت مع ناس كتير في نفس الطريق فكل واحد ممكن يصاحب ناس مختلفة ويتفاعل مع الناس دي بطريقة مختلفة .. فمتقارنش.
– الفشل له معنى واحد بس وهو إنك تبطل محاولة وتستسلم.. إنما النجاح له معاني وصور كتير جداً ويكفي إنك تظهر في صورة منهم.
– المقارنة دايماً هتاخد منك الوقت والتركيز، ويمكن تسيب جواك حسد أو حقد على حد لمجرد إنه ناجح، المقارنة هتاخد منك، وهتضعفك، فمتقارنش وإعمل تجاربك وقصصك وأهدافك ونجاحاتك بنفسك.
